ஈர்எண்ணின் அடிகொண்டும் ஈர்ஐந்து கருவிகொண்டும்
இயங்குவதாம் கணனி என்ப.1
தாய்பலகைநடுத்தொகுதி வன்தட்டுரம்ரொம்மும் எலிவிசைபலகை
மின்வழங்கிதிரையுடன் ஒலிப்பான் பத்தாம்2
அச்சாக்கி வருடலொடு வழங்கி வாங்கியென
புறக்கருவி உண்டாம் பல.3
வன்பொருளும் மென்பொருளும் சேர்ந்தொக்க செயலாற்றும்
அன்றில் செயல்தொக்கும் அது.4
மென்பொருளும் வன்பொருளும் முறையே வகைபிரியும்
மூன்றும் இரண்டும் என.5
இயங்குதளம் பகுப்புறுப்பு பயன்பாட்டு பொருளென்ப
மென்பொருளின் மூன்று வகை.6
தரவுகளை உள்ளெடுக்கும் தரவுகளாய் வெளியிலிடும்
இரண்டும்வன் பொருளின் வகை.7
சடக்கருவி தொகுதிதன்னை அடிப்படையாய் இயங்கவைக்கும்
மென்பொருளாம் இயங்கு தளம்.8
தனித்தனித்த கருவிகளின் செயல்களினை வழிப்படுத்தல்
கருவிப்பகுப் புறுப்பின் செயல்.9
பயன்பாட்டு மென்பொருளாம் பயன்நோக்கி பயன்படுத்தி
செயல்நோக்கம் பெறுவ தெல்லாம்.10
